Atlético Madrid tregon ngjyrat e vërteta të saj

“Arbitri është alibia e humbësve” është shprehja e famshme e thënë pak vite më parë nga kampioni i botës Gianluigi Buffon.

Nëse flasim jemi në telashe, por Atlético duket qartë që po sajon justifikime për dy pikët e humbura në Bernabeu ndaj Realit të Madridit (mos harrojmë që bardhekuqtë nuk mundën të mbronin një avantazh të arritur 10 minuta para fundit)

Megjithatë, absurdi i këtij ekipi mesatar dhe deri diku qesharak nuk ka fund. Në rrjetet sociale ata filluan një fushatë agresive ndaj gjyqtarit të takimit dhe ndaj Realit të Madridit.

“Asgjë e re në Bernabeu ”, thuhet në publikimin, absurd (mendim i autorit), të “Rojilancos” duke iu referuar qartë përjashtimit me karton të kuq të Ángel Correas në minutën e 64 (gjesti i Correas ishte i shëmtuar dhe në kufijtë e kriminales, për më tepër që ishte nën sytë e gjyqtarit edhe të kamerave televizive).

Kapiteni i Atlético Madrid, Koke, postoi në rrjetet sociale një status ku thekson se klubi i tij po lufton kundër të gjithë sistemit dhe se ndjehet krenar për ekipin (kujtojmë që Atlético fitoi një kampionat në 2021 mes shumë polemikash për arbitrimin në favor të tyre).

Ndërkohë, Jan Oblak, portieri i klubit të dytë të Madridit, ankohet hapur për arbitrimin, duke komentuar me ironi kartonin e kuq:

“Secili ka mendimin e vet. Pesë derbit e fundit kemi përfunduar me karton të kuq, ndoshta në atë të radhës do të fillojmë me një lojtar më pak.”

Tomás Reñones , menaxheri i skuadrës së Atléticos, u shpreh se me arbitrin Manzano gjithmonë ndodhin këto gjëra dhe se nuk habitet me kartonin e kuq, sipas tij të padrejtë.

Epo, në gjithë këtë histori duhet themi se secili ka mendimin e vet… edhe pse ndonjëherë nuk ka lidhje me realitetin.