Kreu i PD-së Lulzim Basha ka bërë deklarata shumë të forta sot nga Foltorja e Kuvendit. Teksa mbante Kodin e Sjelljes në dorë, ai tha se në të kanë ndërhyrë kriminelë. Basha shkoi edhe më tej, duke thënë se në Parlamentin tonë ndodhen deputetë të cilët kanë emrin në kartelat e FBI ose janë pjesëtarë të organizatave mafioze ndërkombëtarë.
Në këtë retorikë, ai i kërkoi mazhorancës që të mos flas më rreth vettingut në politik, pasi deputetë e saj janë të fundit që mund të bëjnë moral për drejtësi, ku çdo ditë shkelin hapur Kushtetutën. “Ky është një harxhim kriminal parash. Kjo nuk është gjë tjetër veçse një koperturë që ju doni të vendosni mbi një Kuvend flasim kriminalë. Në kartelat e FBI, Interpolit, ka kriminelë të ulur këtu. Ka edhe bedele të organizatave ndërkombëtare mafioze. E para dhe kryesoja që nuk mund të na bëni ju moralin për kodin e sjelljes, por votoni vettingun politik. Deri në atë moment më shumë vlen letra e banjos se kjo këtu. Dhe e dyta nëse ju punoni me sanksione ai këtu (për kryeministrin) nuk duhet të futet fare këtu”, tha Basha, ndërsa tha se shumë shpejtë pandëshkueshmëra nuk do të ekzistojë me dhe ata që shkelin Kushtetutën do të mbajnë përgjegjësi.
Discussion about this post