Pas kryeministrit Edi Rama dhe liderit të opozitës Lulzim Basha, replikat vijuan seancën e sotme mes Grida Dumës dhe Taulant Ballës në lidhje me buxhetin e shtetit të vitit të ardhshëm.
Gjatë fjalës së saj, Duma tha se deputetët e PS nuk ekzistojnë politikisht, gjë që solli reagimin e Ballës kur e pyeti Dumën se ku e gjen helmin për të fyer në mëngjes.
Duma tha se helmin e gjen te të gjithë njerëzit që varfërohen dhe tkurren çdo ditë, nën pushtetin e qeverisë.
“Më përmendi, më përmendi sepse më tha ku e gjen helmin, e dini ku e gjej, e gjej aty tek ajo shëtitja që bëra tek zona e këtij zotërisë këtu dhe më thoni njerëzit kur tregonin hallet, ju lutem të mos na kapë kamera, se e ka privatizuar ai. Ky pra ky, ky që ma bëri me gisht. Ky diktatori i vockël dhe i shkurtër. Te diktatori i këtij vendi, që i keni zvogëluar njerëzit, duartrokisni për çdo gjë që bëni gabim. Që të jesh grua nuk nuk duhet të diskriminohesh”, tha Duma.
Ndërkohë që deputetja Klotilda Bushka kërkoi që drejtuesja e Kuvendit Lindita Nikolla të respektojë rregulloren, dhe që deputetët e opozitës të mos e marrin fjalën pa leje.
Discussion about this post