Napoli tashmë pothuajse e ka në dorë titullin kampion të Italisë pasi ka krijuar një diferencë prej 18 pikësh nga Interi dhe Milani që e ndjekin nga pas në renditjen e Serisë A.
Padyshim se merita kryesore që skuadra e Luciano Spallettit është në këtë pozicion në renditje është pa asnjë dyshim e qendërmbrojtësit Amir Rrahmani.
Kapiteni i Kombëtares së Kosovës raportohet se është duke e diskutuar me drejtuesit e kësaj skuadre të ardhmen e tij dhe se rinovimi i kontratës është shumë i mundshëm.
Sipas “Tuttomercatoweb”, bisedimet mes mbrojtësit dhe klubit tashmë kanë avancuar për një marrëveshje të re e cila do të zgjaste deri në vitin 2027, derisa ajo aktualja përfundon në verën e vitit të ardhshëm.
Discussion about this post