FC Ballkani ka bërë “gangsterin” ndaj gjyqtarëve sipas FFK-së

Komisioni i Garave i Federatës së Futbollit të Kosovës (FFK) ka hapur procedurë disiplinore ndaj Ballkanit dhe zyrtarëve të saj më të lartë, përfshirë presidentin Arsim Kabashi dhe trajnerin Ilir Daja, për sulm dhe kërcënim ndaj gjyqtarëve pas barazimit me Dukagjinin në fundjavë.

Ballkani u ndal nga Dukagjini me një barazim 1:1 të dielën në Suharekë, duke lëshuar mundësinë ta rrisë epërsinë ndaj Dritës në krye të tabelës në Superligë.

Në raportin e tij të ndeshjes, gjyqtari Alban Shala shkroi se një grup tifozësh të kampionit në fuqi kishin tentuar ta sulmonin atë dhe gjymëtarët e tjerë të ndeshjes në Suharekë.

Po ashtu, në raport ai shkroi se presidenti i klubit Kabashi ishte futur në dhomat e zhveshjes së gjyqtarëve duke i kërcënuar dhe fyer ata në baza familjare.

Komisioni i Garave ka nisur procedurë ndaj Ballkanit për lëshim në organizimin e ndeshjes, pasi tifozët e saj hodhën shishe dhe gjësende të tjera në drejtim të gjyqtarit Shala dhe ndihmësve të tij, si dhe tentimin për t’u futur në dhomën e tyre të zhveshjes.

“FC ”Ballkani”. MOTIVI: Lëshim në organizimin e ndeshjes. Pas përfundimit të ndeshjes, tifozët vendas kanë hedhur shishe PVC dhe një shishe qelqi në drejtim të arbitrit kryesor dhe asistentëve të tij…në tunelin e stadiumit ishin grumbulluar 15/20 persona të pa autorizuar (civil), të cilët kanë ofenduar/fyer FFK-së dhe tentuan ti sulmojnë gjyqtarët, por fal ndërhyrjes së policisë u evitua incidenti”, thuhet në njoftimin e Komisionit të Garave.

Presidenti Kabashi do të hetohet për futje në ambientet e ndërrimit të gjyqtarëve pas përfundimit të ndeshjes.

“Pas përfundimit të ndeshjes, në dhomë e zhveshjes të arbitrave, ka hyrë kryetari i klubit Arsim Kabashi dhe i ka kërcënuar, fyer dhe ofenduar ata edhe në baza familjare. Sipas raportit të gjyqtarit kryesor të ndeshjes Ballkani-Dukagjini”.

Procedurë disiplinore është hapur edhe ndaj trajnerit Ilir Daja, i cili akuzohet se për deklarata fyese ndaj Komisionit të FFK-së.

Edhe zv.menaxheri Idriz Hajrizi dhe drejtori sportiv Nderim Nexhipi janë duke u hetuar për kërcënim dhe fyerje ndaj gjyqtarëve.

nacionale