Një tjetër zarf i zi ka mbërritur ditën e sotme në shtëpinë e “Big Brother VIP”, teksa banorja Eva Alikaj është skualifikuar.
Vëllai i Madh u ka komunikuar banorëve se Eva është përjashtuar për të njëjtën arsye, si Ermiona, pasi ka përdorur dhunë verbale gjatë një debati të ashpër me Luizin.
Gjithçka ka nisur pasi Eva ishte duke bërë prova për kërcimin që do të zhvillonin me Kristin, në dhomën e gjumit, ku ndërkohë Luizi po flinte. Pasi Eva dhe Kristi janë përfshirë në një debat pasi nuk po binin dakord për kërcimin, Luizi është zgjuar duke u kërkuar të qetësohen pasi po bënin zhurmë.
Ai i ka thënë se kështu do ia bënte dhe ai kur ajo të flinte. Më pas Eva është acaruar nga ky reagim dhe i është drejtuar Luizit me fjalë të rënda.
Kujtojmë se gjatë prime-it të djeshëm, Vëllai i Madh u vendosi ultimatum banorëve, që çdo rast i përdorimit të dhunës verbale do të çojë në përjashtimin e banorit. E njëjta gjë ndodhi dhe me Ermionën.
Discussion about this post