Kryeministri Edi Rama ka pranuar se është takuar disa herë me ish-agjentin e FBI-së, McGonigal, madje që edhe ka ngrëne dreka e darka më të.
Në parlament, Rama u shpreh se në Shqipëri e ka ftuar ai McGonigal, ndërsa kur shkonte në Nju Jork, e ftonte ish-agjenti i FBI-së.
Pavarësisht takimeve që ka zhvilluar, Rama hedh poshtë se është i përfshirë në krim apo komprometim.
“Po e vërtetë është hëngri darkë me mua dhe me ftoi ai mua. Në Shqipëri e ftoja unë atë, në Nju Jork më ftonte ai mua.
Ku është këtu krimi apo komprometimi që kam ngrenë darkë me shefin e kundër inteligjencës.
Herë e 10-të! Mbrojtja e të akuzuarit dështoi të provojë se i akuzuari i ka raportuar takimet dhe udhëtimet, pra këtu flitet për të akuzuarin që nuk ka bërë sipas tyre dhe sipas ligjeve të tyre detyrën e tij. Po ku hyn këtu krimi dhe komprometimi im?! Se i raportoi apo nuk i raportoi ai i qendrës nëse më takoi apo jo mua.
Krimi që takoj në restorante? Ta dini ju sa takoj unë në restorante duhet të bëni komision hetimor çdo javë.
Bëni një komision hetimor edhe për Mark Ruten, se në restorante e kam takuar”, tha ai ndër të tjera.
Discussion about this post