Mbiemri i gruas nuk e ndihmon aspak shqiptarin në Itali

Me siguri kjo histori mund të duket tragjikomike por nuk është ashtu.

I dëbuar dhe kthyer në Itali me mbiemrin e bashkëshortes, Ervin Grebeshi, është 36-vjeçari shqiptar që u arrestua nga Policia italiane për t’u kthyer sërish në atdhe.

Sipas mediave italiane, shqiptari pasi u dëbua nga Gjykata e Ankonës u shoqërua deri në aeroportin e Fiumicinos, prillin e kaluar.

Por pak kohë më parë ai ishte kthyer në Itali, duke përdorur mbiemrin e bashkëshortes, Bodlli.

Kur i duhej një dokument, ai u paraqit në Komisariat duke dhënë emrin e rremë, por agjentët, falë bazës së të dhënave të tyre, kishin zbuluar identitetin e tij të vërtetë dhe e arrestuan.

Pas konfirmimit të arrestit, Grebeshi u shoqërua në portin e Ankonës pasditen e së martës dhe u nis sërish për në Shqipëri.