Reperi i njohur, Travis Scott është në gjendje shoku teksa përpiqet vazhdimisht të qëndrojë në kontakt me familjet e të prekurve nga incidenti që ndodhi në festivalin “Astroworld”, në Houston të Teksasit ku humbën jetën 10 persona.
Që nga kjo tragjedi, reperi është mbështetur tek partnerja Kylie Jenner për të kaluar këtë periudhë të vështirë. Scott ka një dashuri të madhe për fansat e tij, pa të cilët nuk do të arrinte këtu ku është sot.
“Kylie e di se sa shumë do të thotë për Travis të performojë dhe të jetë para fansave të tij, kështu që ta shohësh atë në një gjendje shokuese të vazhdueshme ndërsa lajmet dhe paditë vazhdojnë të grumbullohen është shumë e vështirë për të dy”- tha një burim.
Ndërkaq, është shënuar viktima më e re në moshë nga tragjedia e festivalit “Astroworld”. Lajmin e bëri të ditur nëpërmjet një postimi në llogarinë e tij në Twitter, kryebashkiaku i Houston, Sylvester Turner, ku njoftoi për vdekjen e një djali 9-vjeçar, i cili pësoi lëndime të rënda ndërsa ndiqte festivalin muzikor. Ezra Blount, i cili jetonte në Dallas, ishte në gjendje kome për shkak se “u shkel me këmbë” gjatë një turme njerëzish në festival më 5 nëntor.
Discussion about this post