Real Madrid nuk e ka fshehur në asnjë moment dëshirën për të transferuar Kylian Mbappe, por PSG refuzoi në ditët e fundit të merkatos ofertën e bërë nga gjiganti spanjoll.
Së fundmi në lidhje me këtë ka folur edhe presidenti i Real Madrid, Florentino Perez, i cili vë në dukje forcën financiare që kanë klube si PSG, që financohen nga shtete arabe.
“Klubet që janë në pronësi të shteteve nuk i shesin lojtarët e tyre. Është një çmenduri! Tani ne ofrojmë 200 milion euro për një lojtar të vetëm dhe ata nuk e shesin.
Kur lojtarët të mbarojnë kontratën është më mirë”, është shprehur presidenti i Real Madrid. Mbappe është nën kontratë me PSG deri më 30 qershor 2022.
Deri më tani kampioni i botës ka refuzuar të rinovojë marrëveshjen, pavarësisht se francezët po bëjnë çmos ta bindin të qëndrojë sërish.
Discussion about this post