Zhvillohet sot seanca për çështjen “Babale”

Zhvillohet sot seanca për çështjen “Babale”. I pranishëm është në seancë edhe avokati i Geron Xhafajt, Ardian Vishaj. Po ashtu të pranishëm janë edhe Ervin Salianji, Luçiano Boçi dhe Noka. Avokati i Salianjit, Ledio Braho kërkesë për përjashtimin e gjyqtares Edlira Petrit. Ai tha se ajo ka lidhje familjare me palën në gjykim.

Çfarë është dosja ‘Babale’?

Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin “Babale”.

Në përgjimet e publikuara por edhe në të tjera që Prokuroria dispononte, Alizoti komunikonte me asokohe shefin e Polisisë së Fierit, Albert Nushin (emri i del edhe tek vrasja e Pjerin Xhuvanit) për shpërblime/pako që duhet të merrte, e gjithashtu flitej edhe për një “shef të madh”.

Ekspertët e huaj vlerësuan se zëri në përgjime ishte i ngjashëm me atë të Geron Xhafajt. Por ekspertiza nuk mund ta thoshte me siguri për shkak të cilësisë së audio-regjistrimit.