Konsiderohej një ndeshje e thjeshtë në letër për Kombëtaren e Shpresave por rezultoi një transfertë e hidhur. Kuqezinjë e drejtuar nga trajneri Alban Bushi u mundën me shifrat 2-1 në duelin kualifikues të kampionatit Europian ndaj Kosovës në transfertë. Pjesa e parë prodhoi shumë raste por jo gola. Fraksioni i dytë nisi me Shqipërinë më kërkuese teksa kaluan në avantazh me Karricën në minutën e 58 të ndeshjes.
Megjithatë vendasit rikthyen ekuilibrat me Krasniqin në minutën e 65. Skuadrat u hapën shumë duke u vendosur në kërkim të golit të avantazhit, objektiv që u realizua nga përfaqësuesja e Kosovës. Në minutat e fundit të lojës, Sejdiu mposht portierin Tafas duke i dhuruar tre pikë dardanëve që nuk i bëjnë aspak punë. Për Shqipërinë komplikohet rruga drejt kualifikimit në kampionatin Europian.
Discussion about this post