Një 37-vjeçari i dënuar me 10 vite e 5 muaj e 11 ditë burgim nga drejtësia italiane, për disa vepra penale është arrestuar nga Policia e Tiranës. I arrestuari është Arsen Daci, i cili njihej dhe me emrin Flakton Daci.
Arrestimi i Dacit është bërë pasi Gjykata e Torinos/ Itali e ka dënuar me 10 vite e 5 muaj e 11 ditë burgim, për veprat penale “Mbajtje dhe shitje e sendeve të vjedhura”, “Prodhimi dhe shitje e lëndëve narkotike” dhe “Vjedhje” .
Interpol Tirana, në bashkëpunim me Interpol Romën, vijon procedurat për ekstradimin e 37-vjeçarit drejt Italisë ku do të kryejë dënimin.
