Arsenali si një nga pretendentët kryesor për të fituar këtë çmim luajnë sot ndaj klubit portugez, Sporting. “The Gunners” janë favorit, por klubi nga Portugalia nuk duhet nënvlerësuar. Ndeshja ndërmjet tyre zhvillohet nga ora 18:45.
Roma mirëpret në Stadiumin Olimpik skuadrën e Real Sociedad, nga ora 18:45. Man United në Old Trafford përballen me skuadrën e Real Betisit. Pas humbjes së turpshme ndaj Liverpool, “Red Devils” kërkojnë fitoren ndaj ekipit spanjoll.
Megjithatë, nuk do ta kenë të lehtë, pasi Betisi po tregon formë të lartë këtë sezon, kjo përballje zhvillohet nga ora 21:00. Në këtë orë luan edhe Juventusi ndaj Freiburg.
Ndeshjet e tjera në kuadër të Europa League janë, Bayer Leverkusen – Ferencvaros, Union Berlin – Union St,Gilloise, Sevilla – Fenerbahce dhe Shaktar Donetsk – Feyenoord.
Në Europa Conference League zhvillohen sot shtatë ndeshje në total.
West Ham United luan në udhëtim te AEK Larnaca, nga ora 18:45, Anderlecht përballen me Villlarreal në të njëjtin orar. Nice udhëton te skuadra e Sheriff nga ora 18:45.
Kurse në orën 21:00 zhvillohen këto takime, Basel -Slovan Bratislava, Fiorentina – Sivasspor, Gent- Istanbul Basaksehir, Lech Poznan – Djugaarden.
Discussion about this post