“A ishte kjo hera e fundit që shohim Lionel Messin në Champions League? Mbrëmë, në CBS, që transmetoi ndeshjen mes Bayern Mynih dhe Paris Saint-Germain, legjenda e Liverpool, Jamie Carragher i tha këto pak fjalë, të cilat sollën reagime në Angli.
Mbrëmja e të ashtuquajturit “Zoti i futbollit” ishte një katastrofë. I shumëpritur për duetin e tij me Kylian Mbappé, “i pagabueshmi” dështoi (në mënyrë spektakolare, shtojmë ne). I aftë për ta çuar Argjentinën drejt një fitoreje në Kupën e Botës (me shumë dsikutime për arbitrimin por kjo nuk ka rëndësi tashmë), “Pleshti” nuk ishte i aftë për të njëjtën paraqitje me klubin francez.
Kjo ngre domosdoshmërisht çështjen e së ardhmes së tij. A do të qëndrojë Messi edhe një sezon te PSG, që grumbullon vetëm dështime evropiane? Nuk është ky trendi i momentit, por Messi duket dukshëm më pranë një largimi, sesa një zgjatjeje sipas të përditshmes sportive.
Një largim, i cili, të paktën, do të kishte avantazhin për t’i ofruar pak më shumë liri financiare PSG-së për ta rindërtuar këtë verë, ndërkohë që largimi i Neymarit të dëmtuar rëndë duket tashmë i kompromentuar për këtë verë.
Discussion about this post