Vendimi i KQZ, Alibeaj: Do regjistrohemi në zgjedhje, deri më 20…

Enkelejd Alibeaj në një deklaratë për mediat ka komentuar vendimin e KQZ.

Alibeaj tha se dorëheqja e Lulzim Bashës është fakt publik, por se shtoi se PD do hyjë në zgjedhje.

“Ne do të futemi në zgjedhje. Nuk do të dërgojmë asnjë dokument në KQZ. E kemi bërë me dije dje. Nuk ka i madh dhe i vogël që nuk e di që Basha ka dhënë dorëheqjen. Është një fakt publik ky tashmë. Do të nisim thjesht një sqarim pranë KQZ”, tha Alibeaj.

Ai shtoi se më datë 20 mars mbyllet procesi i përzgjedhjes së kandidatëve.

“Kjo është një mbledhje e radhës e kryesisë dhe grupiut parlamentar. Do të jenë gjithmonë e më të shpeshta. DIskutimet kanë qenë të fokusuar tek aspekti organizativ i Partisë Demokratike. Në datën 20 do të përmbyllet procesi i miratimit të kandidatëve për kryebashkiakë dhe këshillat bashkiakë. Janë vendosur dhe grupet e punës dhe do të merren me rifreksimin e grupit tonë. Kjo është një situatë që po na rikthen në normalitet. Kjo do të jetë e gjithë mënyra e punës së PD-së për zgjedhjet që na presin”, u shpreh Alibeaj.