E marta mbylli të gjitha ndeshjet kualifikuese për Botërorin ‘Katar 2022’ në Evropë, duke përcaktuar kombëtaret që do të shkojnë direkt në Katar dhe ato që së pari duhet të kalojnë nga faza e ‘Play-off’.
10 përfaqësueset që ‘prenë biletën’ për në fazën e finaleve janë Spanja, Zvicra, Franca, Belgjika, Danimarka, Kroacia, Anglia, Serbia, Holanda dhe Gjermania, duke pasur emrat në mesin e 32 vendeve që do jenë në shortin e 1 prillit 2022 në Doha.
Këtyre ekipeve do u bashkohen edhe tre skuadra të tjera Evropiane që do dalin nga 12-shja e ‘Play-off-it’ siç janë: Portugalia, Italia, Polonia, Suedi, Uells, Austri, Republika Çeke, Rusia, Skocia, Ukraina, Turqia dhe Maqedonia e Veriut.
Skuadrat e ‘Play-off’ janë të ndara në tre grupe, ku fituesi i secilit prej tyre do të kalojë për në Katar, ndërsa ndeshjet do të jenë gjysmëfinale dhe finale, që dmth me nga një takim./K.T/Gijotina.com
Discussion about this post