Gjatë ditës së djeshme, legjenda angleze e futbollit që u pezullua nga puna si analist shkaku i gjuhës me të cilën mbrojti refugjatët, e mori një mbështetje të madhe në ndeshjen mes Leicesterit dhe Chelseat.
Tifozët e Leicester Cityt shfaqën mbështetjen e tyre të madhe për legjendën e klubit që po përballet me një situatë mjaft problematike.
Shumë prej tyre madje kërkuan që ai të bëhej kryeministër i ri i Britanisë së Madhe.
Lineker ishte i pranishëm në stadiumin King Power ku dhelprat u mposhtën me rezultat 3-1 nga Chelsea.
Lineker është i lindur në Leicester dhe ka luajtur për klubin për shtatë vite, duke i shënuar 95 gola në 194 ndeshje. Më pas ai do të luante edhe për ekipe si Everton, Barcelona e Tottenham.
Discussion about this post