“Homeland Justice” ka publikuar këtë të Diel të dhëna të reja. Në katër foldera, grupi që ka marrë përsipër sulmet kibernetike ndaj faqeve të institucioneve në vend, shpërndan e-mail-e që besohet të jetë hakeruar nga administrata e Ministrisë së Financave.
Në dokumentet e publikuara gjenden mes të tjerash shkresa me logo të Ministrisë së Financave dhe materiale nga sistemet online që përdorin punonjësit e kësaj ministrie.
Grupi “Homeland Justice” ka publikuar muajt e fundit një sërë dokumentash.
Mes publikimeve kanë qenë dhe dokumenta të klasifikuara “sekret”, që erdhën pasi do të deklaronte Rama se nga hakerat nuk janë marrë të dhëna sekrete.
Një sulm kibernetik mbylli përkohësisht shumë shërbime dixhitale të qeverisë shqiptare dhe faqe interneti në mes të muajit korrik.
Për këtë, qeveria shqiptare bëri përgjegjëse Tehranin zyrtar dhe vendosi ndërprerjen e marrëdhënieve diplomatike në muajin Shtator, duke dëbuar diplomatët iranianë nga Shqipëria.
Discussion about this post