Ky është lokali ku mbrëmjen e kësaj të diele u qëllua me armë zjarri. Ngjarja e rëndë ndodhi në zonën e Don Boskos në Tiranë. Paraprakisht nga të shtënat raportohet se ka mbetur e vrarë banakierja e lokalit. Të paktën 5 persona dyshohet se kanë mbetur të plagosur, mes tyre edhe një fëmijët.
Theksojmë se të dhënat janë ende paraprake ndaj dhe numri i të plagosurve mund të ndryshojë. Si shkaqet ashtu sikurse rrethanat e kësaj ngjarjeje të rëndë nuk dihen ende.
Dyshohet që autorët kanë qenë dy persona të cilët kanë hapur zjarr nga jashtë, në drejtim të lokalit. Ata dyshohet se lëviznin me motor dhe më pas janë larguar nga vendi i ngjarjes. Banakierja dyshohet se ka mbetur viktimë aksidentalisht nga të shtënat.
Lokali në fjalë raportohet se është në pronësi të Fatjon Muratit, një personazh i njohur i botës së krimit.
Discussion about this post