Manchester City synon të arrijë në çerekfinalen e UEFA Champions League për sezonin e gjashtë radhazi, me barazimin e kampionëve të Premier League në 1/8 kundër RB Leipzig që e detyron Guardiolën të kërkojë me çdo kusht fitoren.
Goditja me kokë e Josko Gvardiol në pjesën e dytë të sfidës së parë i dha një shpresë “Demave të Kuq” duke neutralizuar avantazhin e “Qytetarëve” të realizuar nga Riyad Mahrez.
Pep Guardiola është ende në kërkim të titullit të tretë të Ligës së Kampionëve, pasi fitoi dy në tre sezonet e tij të para te Barcelona.
Rezultati më i mirë, i City-t, në këtë turne, është, medalja e argjendtë, e vitit 2021 pas humbjes 1-0 ndaj Chelsea-t. Sezonin e kaluar, “Sky Blues” përsëri i shkuan afër trofeut të lakmuar, duke u eliminuar në gjysmëfinale, pas një takimi të çmendur përballë Realit të Madridit (fitues eventual i trofeut).
Ndërkohë, skuadra e RB Leipzig, kërkon të bëjë surprizën, në “Etihad”, duke eliminuar “parakohe” multimiliarderët anglezë.
Ekipi i Rose, nuk ka një histori shumë të lavdishme në Champions, nga vetë fakti që është një klub relativisht i ri (në 2009 është krijuar “de iure”, ndërsa në 2016, ka debutuar në Bundesliga).
Rezultati më i mirë i klubit nga ish-Gjermania Lindore, është gjysmëfinalja e sezonit 2019-2020, ku Leipzig, u mposht nga Paris Saint-Germain.
Formacionet hipotetike:
Manchester City
Ederson; Walker, Akanji, Dias, Ake; De Bruyne, Rodri, Gundogan; Mahrez, Haaland, Grealish
RB Leipzig
Blaswich; Henrichs, Orban, Gvardiol, Halstenberg; Laimer, Haidara; Szoboszlai, Forsberg, Werner; Silva
Takimi pritet të startojë në 21:00.
Discussion about this post