Kampionët në fuqi të Spanjës, Europës edhe Botës, Reali i Madridit mendojnë që tani për transferimet në merkaton e verës dhe janë gati të paguajnë një shifër që i afrohet 300 milionë eurove.
Kastiljanët do tentojnë të përforcohen edhe më shumë dhe janë tre lojtarë që rekordmenët e Champions League i duan me çdo kusht.
Britaniku Jude Bellingham i Borussia Dortmund është objektivi kryesor për mesfushën. Për adoleshentin ka oferta nga klubet më të mëdha të Europës dhe gjermanët duan rreth 150 milionë euro për kartonin e tij.
Gjeorgjiani Khvicha Kvaratskheila i italianëve të Napolit është objektivi për repartin e avancuar. Ish-lojtari i Rubin Kazan, po shkëlqen në vitin e parë në Serie A dhe është bërë një nga lojtarët më të kërkuar.
Liderët e kampionatit italian po tentojnë ta blindojnë me kontratë të re.
Real Madrid kërkon të përforcojë edhe prapavijën. Joao Cancelo është i përzgjedhuri për linjën e majtë. Bayern Munich nuk do e blejë atë dhe Manchester City që zotëron kartonin është gati t’i dëgjojë ofertat.
Discussion about this post