Kreu i Partisë Demokratike, Sali Berisha është pritur me ovacione në Elbasan ku ka shkuar të festojë Ditën e Verës.
Ai ka provuar ballokume, ëmbëlsirën tradicionale, ndërsa qytetarët i kanë lidhur dhe një verore në dorë, simbol të festës.
Teksa ka uruar Ditën e Verës nga qyteti i Elbasanit, Sali Berisha nuk i ka shpëtuar dot ‘fushatës’. Ai ka thënë se elbasanasit do të votojnë Luçiano Boçin më 14 maj.
“Për Elbasanin dhe mbarë shqiptarët, këtu sot kanë ardhur pelegrinë nga mbarë Shqipëria. Sot Elbasani është kryeqyteti i pelegrinazhit kombëtar. I meriton të gjitha nderimet, për historinë e tij, për festën që e ruajti më shumë se gjithë të tjerët, i meriton për shpirtin e bardhë të qytetarëve të tij.
Kjo ditë është njëkohësisht simbol i ndërrimit, i lulëzimit. Natyra ndërron kostumin e saj, 14 maji do të ndjekë një ndryshim të thellë dhe qytetarët e Elbasanit do të ndjekin për qytetar të parë një politikan si Luçiano Boçin. Edhe një herë urimet më të përzemërta, Hirushen e festave tona”, tha Berisha.
Discussion about this post