Tre golëshi i Erling Haaland në pjesën e parë të ndeshjes ndërmjet Manchester Cityt dhe RB Leipzig, ka thyer rekordin e mbajtur më herët nga Kylian Mbappe.
Skuadra angleze e mori kontrollin ndaj ekipit gjerman që në pjesën e parë, ndërsa me golat e tij në një moshë prej 22 vjet e 236 ditë, u bë lojtari më i ri që shënoi 30 gola në histori të Ligës së Kampionëve.
Në këtë mënyrë e ka thyer rekordin e mbajtur nga Mbappe, i cili e kishte arritur këtë shifër në moshën 22 vjet e 352 ditë. Sa i përket kësaj statistike, që të dy janë shumë para superdyshes së futbollit, Lionel Messi dhe Cristiano Ronaldo.
Një tjetër rekord i thyer nga Haaland ishte realizimi i 30 golave në garën elitare për vetëm 25 ndeshje dhe kështu e ka lënë prapa Ruud van Nistelrooyn që e ka arritur këtë statistike pas 34 ndeshjeve.
Norvegjezi nuk u ndal vetëm me këto rekorde, por shënoi dy herë edhe në gjysmën e dytë duke kaluar rekordin e mbajtur nga Tommy Johnson (38 gola) për më së shumti gola të realizuar për Cityn brenda një sezoni (39 gola).
Shtatlarti u bë po ashtu futbollisti i tretë në histori të Ligës së Kampionëve që shënon pesë gola brenda një përballjeje
Discussion about this post