Personi që po shikoni në foto është Gjele Biba, 75 vjeçe, banore në fshatin Ungrej, Lezhë. 75-vjeçarja humbi jetën një ditë më parë në Kishën e Laçit.
Ajo ishte nisur të ndizte një qiri në ditën e parë të pelegrinazhit, por në momentin që po ngjitej për të shkuar në shpellën tip guve, rrëshqiti dhe ra nga një lartësi e konsiderueshme. Ajo u dërguan ë spital, ku fatkeqësisht ndërroi jetë.
“Rreth orës 11:30, tek Kisha “Shna Ndout”, në vendin e quajtur “Te shpella”, dyshohet që shtetasja Gj. B. 75 vjeçe, banuese në Ungrej, ka qenë pjesë e pelegrinazhit dhe është rrëzuar aksidentalisht duke rënë disa metra më poshtë. Është bërë transportimi i saj me ambulancë për në Spitalin e Traumes Tiranë për ndihmën e nevojshme mjekësore, por si pasojë e dëmtimeve fizike të marra, ka ndërruar jetë rrugës për në spital”, thuhet në njoftimin e policisë.
Incidentet nuk mungojnë gjatë peligrinazhit në kishën e Laçt, për shkak të numrit të madh të njerëzve, që kryejnë aty rituale, veçanërisht të martave.
Duke nisur nga sot, për 13 të marta, kisha katolike e Shën Antonit të Padovas dhe Shpella e Shën Vlashit bëhen destinacionet e pelegrineve nga të gjitha besimet. Besimtarë të shumtë zgjedhin që rrugën për te Kisha ta bëjnë në këmbë.
Discussion about this post