Këlliçi në Domje: Mjaft me show, banorëve u duhet ujë dhe rrugë

Kandidati i Partisë Demokratike për bashkinë e Tiranës Belind Këlliçi ka zhvilluar një takim me banorë të zonës së Domjes.

“Ne jemi Kryeqyteti Europian i Depozitave të Ujit. Ky është çmimi më i madh ndërkombëtar që kemi.

Mjaft me show! Tiranës i duhet punë. Banorëve u duhet ujë. U duhet rruga”, tha Këllici në bisedë me banorët.

Mesazhi:

Banorët e Domjes panë në televizor spektaklin elektoral në Pallatin e Koncerteve. Dëgjuan të flitej aty për 10 projekte gjigande, për plane 5-vjeçare, për të ardhmen e ndritur. Po ndërkohë uji i pijshëm vjen vetëm 1 orë në ditë dhe rrugë nuk ka.

Aq para sa shpenzuan për skenografinë e spektaklit të tyre, kishin shtruar rrugën në Domje. Aq para sa shpërdoruan për një video, ku na treguan sa të lumtur jemi, u kishin zgjidhur banorëve të Domjes problemin e ujit.

Ne jemi Kryeqyteti Europian i Depozitave të Ujit. Ky është çmimi më i madh ndërkombëtar që kemi.

Mjaft me show! Tiranës i duhet punë. Banorëve u duhet ujë. U duhet rruga.

Kanë kaluar 8 vjet. Dy shanse i pati. Tani kapni momentin.