Agjencia shtetërore ruse e lajmeve RIA Novosti publikoi pamje nga një shkollë në Krimenë e pushtuar të Ukrainës, ku rusët mësojnë nxënësit e shkollave fillore se si të shfrytëzojnë një pushkë automatike, të veshin uniforma kamuflazhi dhe të marrin pjesë në lufta.
Videoja e publikuar tregon nxënësit e shkollave fillore teksa montojnë automatikun kallashnikov dhe konkurrojnë se kush do të jetë më i shpejtë.
Ajo tregon gjithashtu pamjet e fëmijëve, të cilët nuk duken më të mëdhenj se nxënësit e klasës së tretë dhe të katërt, të veshur me uniforma kamuflazhi, duke pozuar fillimisht me pushkë dhe më pas demonstrojnë aftësi luftarake.
Në dhjetor të vitit 2022, u njoftua se Ministria Ruse e Arsimit kishte miratuar një lëndë mësimore për luftën në Ukrainë, si dhe seksione që mësonin se si të gjuanin me armë dhe të hidhnin një granatë.
Ministria ruse e Mbrojtjes do të fillojë një rekrutim të ri, ku synon t’i shtojë ushtrisë edhe 400 mijë pjesëtarë të rinj.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale.
Російське пропагандистське видання “РИА новости” опублікувало відео нібито зі школи в тимчасово окупованому Криму, на якому загарбники вчать молодших і середніх школярів збирати автомат, носити камуфльовану форму і вести рукопашний бій pic.twitter.com/b9h5dbywzi
— Українська правда ✌️ (@ukrpravda_news) March 15, 2023
Discussion about this post