Autoritetet britanike kanë arrestuar ditën e sotme një shqiptarë, pasi akuzohet se transportonte emigrantë të paligjshëm me gomone nga Belgjika drejt Mbretërisë së Bashkuar.
Sipas mediave britanike, 44 vjeçari është i arrestuari i pestë që ka rënë në pranga nën dyshimin se ishte përfshirë në trafikun e emigrantëve të paligjshëm. Shqiptari u arrestua nga oficerët e Agjencisë Kombëtare të Krimit në Loughborough.
“Personi i arrestuar sot dyshohet për përfshirje në një komplot për të përdorur varka të vogla në një seri kontrabande njerëzish. Trajtimi i krimit të organizuar të imigracionit është një prioritet për NCA dhe hetimi ynë vazhdon“- u shpreh Derek Evants, drejtues i lartë i Agjencisë Kombëtare të Krimit.
Sipas akuzave, shqiptari ka organizuar një seri arratisjesh kontrabandë me emigrantë të paligjshëm që prej vitit të kaluar. Katër të tjerë të arrestuar, që besohet se janë pjesë e të njëjtit grup, do të paraqiten në gjykatë më vonë këtë muaj të akuzuar për ndihmë në emigracionin e paligjshëm.
Shqiptarët Arsen Feci, 44 vjeç dhe Klodian Shenaj, 48, nga Nottingham dhe Banet Tershana, 51 vjeç, do të paraqiten në Gjykatën Nottingham Croën më 29 mars.
A fifth man has been arrested by NCA officers today as part of an investigation into a group alleged to have smuggled migrants from Belgium to the UK in boats.
Read the full story ➡️ https://t.co/9r73BGBZgg pic.twitter.com/SJQoXV07zZ
— National Crime Agency (NCA) (@NCA_UK) March 15, 2023
Discussion about this post