Kryetari i Bashkisë Kokoneshi është vënë nën lupën e SPAK, por pavarësisht kësaj ai vazhdon të abuzojë me tenderët. Kokoneshi mendon se i ka shpatullat e ngrohta dhe nuk trembet që mund ketë fatin e kolegëve të tij Fatos Tushe, Lefter Alla, Agim Kajmaku, Elvis Roshi e të tjerë të cilët kanë përfunduar në SPAK për abuzim me tenderët. Por, faktet që publikohen herë pas here po e mbushin dosjen e Kokoneshit, sidomos për abuzimet në prokurimet publike.
Duke mos iu trembur Drejtësisë, Kokoneshi ka zhvilluar tenderin e fundit dhe ka fituar një “Red Flag” nga Open Data. Bëhet fjalë për prokurimin me objekt “Blerje kosha metalik për Agjencinë e Shërbimeve Komunale”. Për këtë tender Fredi Kokoneshi ka hapur fondin me vlerë 18 milionë lekë.
Ndërkohë në dokument tregohet se do të blihen vetëm 50 kosha mbeturinash me rrota. Nga një përllogaritje e thjeshtë i bie që Kokoneshi do të shpenzojë 356 mijë lekë për një kosh. Vallë këto kosha janë prej ari dhe me efekt dezinfektues sepse nuk ka mundësi të shpenzohen kaq para për një objekt të tillë.
Gjithsesi, këto janë fakte që vërtetojnë dhe lënë shijen e abuzimit të pushtetarit duhet të hetohen nga SPAK sa më shpejt.
Korrupsioni me këtë tender merr përmasa më të mëdha kur shohim se fituesi është miku i Kokoneshit. Sipas dokumentit, tenderin e ka fituar kompania Alko Impex Construction, e drejtuar nga Arbër Abazi, nipi i ish-deputetit socialist Sadri Abazi. Gjithsesi ky i fundit është pronari i vërtetë i firmës dhe ai që i hap rrugë për të përfituar kontrata.
Abazi ka fituar këto kohë disa tenderë nga njësitë vendore për pastrim dhe të gjitha i ka marrë pa garë. Në shkelje të ligjit, me ndihmën e Kokoneshit, Abazi ka dalë fitues. Sikur shihet në dokument, tenderi ka mungesë konkurrence, për shkak se nuk është paraqitur asnjë ofertë tjetër, përveç asaj të firmës Alko Impex Construction. Sikur kanë bërë kolegët e tij, edhe Kokoneshi ia firmosi kontratën Abazit pa e menduar dy herë.
Lexo edhe: E denoncoi/ Sadri Abazi mposht Blerim Sherën, i merr 2.7 mld lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post