Takimi i Ohrit mes kryeministrit të Kosovës, Albin Kurti dhe presidentit serb Aleksandar Vuçiç është tema kryesore e politikës ndërkombëtare gjatë këtyre ditëve. Në lidhje me këtë event të rëndësishëm ka folur edhe një emër i njohur i politikës në Kosovë.
Zafir Berisha, ish-deputet i Kuvendit të Kosovës ka folur për takimin e Ohrit. Berisha është shprehur se nuk pret diçka të veçantë nga ky takim.
“Po unë mendoj se takimi i sotëm në Ohër është në mesin e takimeve të radhës që tani e 12 vjet dhe nuk është që pres diçka të veçantë nga ky takim, pasi dy palët janë shumë larg në këtë rast, veçanërisht Serbia. Kosova përmes Albin Kurtit faktikisht ka pranuar planin europian, një plan i cili është tepër i penalizues për Kosovën, veçanërisht dy pikat e saj”- ka thënë Berisha.
Mendoj se pranimi i këtij plani dëmton perspektivën e Kosovës sepse këtu nuk po flitet për një marrëveshje midis gjermanëve dhe francezëve, por po flitet për një marrëveshje midis shqiptarëve e serbëve”, është shprehur ai.
Discussion about this post