Sot në Ohër po mbahet një takim mes kryeministrit të Kosovës Albin Kurti dhe presidentit serb Aleksandar Vuçiç, që mund të jetë edhe historik, në rast se arrihet marrëveshje mes Prishtinës dhe Beogradit.
22:00 – Ka përfunduar takimi mes Kurtit dhe Vuçiç pas plot 12 orëve bisedimesh në qytetin e Ohrit. Pas kësaj pritet deklaratë nga përfaqësuesi i BE, Borrel.
Takimi mes kryeministrit të Kosovës, Albin Kurti dhe presidentit të Serbisë, Aleksandër Vuçiç vijon ende në Ohër të Maqedonisë së Veriut, në kuadër të dialogut për arritjen e një marrëveshjeje për normalizimin e marrëdhënieve.
Debati është përqëndruar te Asociacioni i komunave me shumicë serbe. Vuçiç kërkon formimin e Asociacionit në bazë të marrëveshjes së viti 2013, ndërsa Kurti e ka kundërshtuar diçka të tillë.
“Sot, debati më i madh është përqëndruar në pikën 1 të planit të zbatimit, që ka të bëjë me Asociacionin e komunave me shumicë serbe. Presidenti serb Vuçiç ka kërkuar që Asociacioni të formohet në bazë të marrëveshjes së viti 2013, duke mos marrë parasysh ndryshimet që janë bërë nga Gjykata Kushtetuese e Kosovës në vitin 2015. Kryeministri Kurti e ka kundërshtuar këtë dhe ka kundërshtuar gjithashtu, edhe afatin që është vënë në planin e zbatimit”, raporton Abc.
Në planin e zbatimit, duhet që brenda 15 ditësh nga nënshkrimi i marrëveshjes, qeveria e Kosovës të paraqesë draftin e parë të statutit të Asociacionit, i cili vazhdon më pas dhe negociohet për çështjen e kompetencave.
Discussion about this post