Presidenti i vendit, Ilir Meta, ka vendosur të mos dekretojë buxhetin faktit të vitit 2020. Lajmin e ka bërë të ditur vetë presidenti përmes një postimi në rrjetin social Facebook. Meta shprehet se nuk mund të dekretojë një buxhet i cili nuk ka qenë aspak në ndihmë të qytetarëve dhe në përdorim për përballimin e pandemisë.
“Mbështetja buxhetore direkte për pandeminë, në raport me Prodhimin e Brendshëm Bruto, vazhdon të jetë më e ulta në rajon dhe në botë. Për këtë arsye nuk mund ta dekretoja me shpallje “Miratimin e buxhetit faktik të vitit 2020”, u shpreh ai. Kujtojmë se gjatë gjithë viti Meta ka akuzuar qeverinë se në 2020 ka keqpërdorur fondet e pandemisë dhe tërmetit, duke i dhënë për koncesione për të mbushur xhepat e oligarkëve.
Teksa ka publikuar një foto, ku tregon se Shqipëria ka dhënë vetëm 2.3% të buxhetit për pandeminë, Meta shprehet i bindur se nuk mund ta dekretojë atë.
Discussion about this post