Gjykata e Lartë vendos për ‘fatin’ e Luan Dacit

Gjykata e Lartë ka lënë në fuqi vendimin e “Apelit” që dënoi me 6 muaj burg, ish anëtarin e KPA-së, Luan Daci. Dënim, i cili iu konvertuar në 1 vit (12 muaj) shërbim prove.

Megjithëse Gjykata Kushtetuese e riktheu për rishqyrtim rekursin e tij, Gjykata e Lartë ka lënë në fuqi vendimin e Gjykatës së Posaçme të Apelit kundër Korrupsionit dhe Krimit të Organizuar, e cila e dënoi me 6 muaj burg të konvertuar në 1 vit shërbim prove.

Daci u akuzua nga SPAK dhe u shpall fajtor për akuzën e falsifikimit të dokumenteve pasi kishte fshehur gjatë zgjedhjeve në organet e vettingut, shkarkimin nga detyra në vitin 2007 nga ish-Këshilli i Lartë i Drejtësisë.