Harry Kane është ngjitur në kuotën e 48 golave me kombëtaren e Anglisë duke qenë vetëm 5 gola larg rekordit të Uejn Runit. Futbollisti anglez shënoi një triplet ndaj Shqipërisë teksa ka theksuar se topin do ta mbajë në një kuti prej xhami për t’ia treguar fëmijëve në të ardhmen.
“Është një ndjesi fantastike. Këto janë bonuset kur ti fiton me goleadë. Të jesh mes këtyre legjendave të Anglisë është fantastike. Jam shumë krenar sa herë shënoj me fanellën e përfaqësueses. Shpresoj që të vazhdoj ta bëj edhe për shumë vite të tjera dhe të bëjmë një vit të madh në Katar. Por, marr me vete një tjetër top. Fëmijët do ta shijojnë. Unë i vendos në një kuti xhami, i ruaj dhe kur të rriten fëmijët, shpresoj që t’i përdorin për t’u motivuar”, tha Kejn.
Discussion about this post