Sipas Indeksit të Korrupsionit për vitin 2021, Shqipëria është në vendin e 110 dhe rreziku i korrupsionit në sektorët më të rëndësishëm mund të karakterizohet si i lartë.
Indeksi, u publikua sot nga TRACE international, një shoqatë biznesi e njohur globalisht e dedikuar për të luftuar korrupsionin dhe promovimin e qeverisjes së mirë. Ky vlerësim është bërë duke u bazuar në katër fusha.
Në fushën e vlerësimit të ndërveprimeve të biznesit me Qeverinë, Shqiperia merr notën mesatare prej 55 pikësh. Kurse në parandalimin dhe zbatimin e luftës kundër ryshfetit Kosova ka marr një notë mesatare prej 54 pikësh.
Sa i përket transparencës së Qeverisë dhe Shërbimit civil, Shqiperia ka marrë një rezultat mesatar prej 51 pikësh.
Ndërsa kapaciteti për Mbikëqyrjen e Shoqërisë Civile në indeksin e korrupsionit, Shqipëria është vlerësuar me 39 pikë.
Korrupsioni konsiderohet ende si një nga faktorët më problematikë për themelimin e biznesit në Shqipëri.
Një përqindje e konsiderueshme e bizneseve u paguajnë ryshfete zyrtarëve publikë në mënyrë të përsëritur gjatë gjithë vitit. Bizneset në sektorët e akomodimit dhe transportit janë më të prekurat nga ryshfeti, të pasuara nga bizneset në sektorin e ndërtimit. Zyrtarët publikë me rrezikun më të lartë të ryshfetit në ndërveprimet me bizneset janë punonjësit e policisë, doganierët, zyrtarët e tatimeve/të ardhurave, zyrtarët e bashkive dhe të komunave, si dhe punonjësit e zyrave të regjistrimit të pasurisë së paluajtshme.
Discussion about this post