Pavarësisht se kjo javë i është rezervuar ekipeve kombëtare, nuk është e thënë që klubet të rijnë duarkryq (ose këmbëkryq në këtë rast).
Tirana pritet të luajë një miqësore këtë fundjavë me Vorën. Edhe pse nga bardheblutë nuk është zyrtarizuar ende miqësorja, ajo pritet të luhet ditën e shtunë.
Ndeshja do të luhet në Vorë, ora 15:30. Tirana, në këtë moment që flasim, është në vendin e dytë me pikë të barabarta me Partizanin e vendit të parë. Skuadra rekordmene e futbollit shqiptar ka 15 pikë më pak se sezoni i shkuar, teksa në dhjetë javët e fundit të kampionatit ka mundësi të fitojë titullin e 27- të.
Në testin përballë Erzenit, Tirana pritet të ketë të gjithë lojtarët në dispozicion, minus të dëmtuarin Patrik. Iseni ka shlyer dënimin për kartonë të verdhë, ndërsa sfidën me Kukësin e rrezikojnë Hila dhe Bekaj, të cilët kanë nga tre ndëshkime.
Discussion about this post