Kryeministri britanik Rishi Sunak është takuar me Benjamin Netanyahun në Downing Street, ndërsa lideri izraelit përballet me trazira të brendshme lidhur me reformat në drejtësi.
Zoti Sunak e përshëndeti Netanyahun në hyrje të rezidencës së kryeministrit përpara bisedimeve mbi sigurinë dhe kërcënimin nga Irani.
Ai do të takohet gjithashtu me Sekretaren e Brendshme Suella Braverman në vizitën e tij njëditore.
Ndërkohë, qindra protestues u mblodhën në hyrjen e Downing Street për të demonstruar kundër politikave të zotit Netanyahu.
Një kakofoni zhurme u dëgjua, duke përfshirë thirrjet “turp” dhe “tradhtar”, teksa kryeministri izraelit bëri një shëtitje të shkurtër nga kolona e tij deri në shkallët e Numrit 10.
Një mundësi e planifikuar fotografie për mediat e mbledhura u anulua, njoftoi gazeta Jerusalem Post, dhe nuk pati asnjë deklaratë të përbashkët.
Vizita vjen në një kohë trazirash politike në Izrael, me vendin e mbërthyer nga muaj të tërë të disa prej demonstratave më të mëdha në historinë e tij.
Netanyahu ka kundërshtuar thirrjet për të hequr dorë nga lëvizjet për të tronditur sistemin ligjor, mes paralajmërimeve se kriza jo vetëm që po shkakton trazira sociale, por mund të dëmtojë sigurinë e Izraelit me një numër në rritje të rezervistëve ushtarakë që refuzojnë të shërbejnë në protestë.
Të enjten u panë dhjetëra mijëra izraelitë që dolën në rrugë në të gjithë vendin, në skena të cilat janë përsëritur çdo javë dhe janë përshkallëzuar që nga fillimi i vitit.
נתניהו בדאונינג 10. אחת העיתונאיות הבריטיות זרקה לו: היועצת המשפטית שלך אומרת שאתה מפר החוק. נתניהו כבר מורגל בהתעלמות pic.twitter.com/E8QeiTUcG8
— Itamar Eichner (@itamareichner) March 24, 2023
Qeveria e Mbretërisë së Bashkuar nuk ka komentuar mbi reformat e diskutueshme.
Gjatë takimit të tyre, Sunak dhe Netanyahu pritej të diskutonin forcimin e “lidhjeve strategjike”, luftën në Ukrainë dhe krijimin e “një fronti të bashkuar ndërkombëtar” kundër programit bërthamor të Iranit, tha paraprakisht zyra e zotit Netanyahu.
Edhe pse vizitat e mëparshme në Mbretërinë e Bashkuar nga z. Netanyahu janë pritur me demonstrata nga grupet pro-palestineze, protestat e së premtes u drejtuan nga hebrenjtë britanikë dhe izraelitë, me shumë flamuj izraelitë.
Kundërshtarët thonë se zoti Netanyahu po përdor reformat, të cilat ndër të tjera do të dobësojnë fuqinë e Gjykatës së Lartë, për të forcuar veten dhe për të mbrojtur politikat e qeverisë së tij – më e djathta në historinë e Izraelit.
Netanyahu ka akuzuar kritikët për mosrespektim të votuesve që i dhanë koalicionit të tij dhe platformës së tij reformuese një fitore bindëse në zgjedhjet e nëntorit.
/BBC
Discussion about this post