Një 18-vjeçar ka rënë në prangat e policisë, pasi kishte thyer masën e “arrestit në shtëpi”, duke transportuar emigrantë të paligjshëm.
Sipas njoftimit të policisë, është arrestuar A. M., 18 vjeç, të cilin gjykata e Krujës e kishte dënuar për “Prodhimi dhe shitja e narkotikëve” dhe “Nxitja për përdorimin e drogës”.
Ky i fundit është konstatuar nga shërbimet e Policisë, në rrugën Tiranë-Rinas, duke transportuar me një mjet furgon, 20 emigrantë të paligjshëm, me destinacion qytetin e Kukësit. Gjithashtu u shpall në kërkim bashkëpunëtori i tij, I. Ç., 27 vjeç, i dënuar më parë për kryerjen e veprës penale “Falsifikimi i monedhave”.
Materialet procedurale i kaluan Prokurorisë së Rrethit Gjyqësor Tiranë, për veprën penale “Ndihma për kalim të paligjshëm të kufijve”, kryer në bashkëpunim.
Discussion about this post