Faqja e ‘Tifozat Kuq e Zi’ ka reaguar ndaj deklaratave të komentatorit të sportit të Radio Televizionit të Kosovës, Andi Lokajt, i cili tallej me Shqipërinë dhe nxiste përçarje.
Tifozët kanë reaguar në një postim ku shprehen se është e turpshme që me taksat e qytetarëve paguhet një njeri i tillë.
“Të mjerët ne që me taksat tona paguajmë të tilla eksperimente!”, shkruhet në faqen e “Tifozat Kuq e Zi”.
Rikujtojmë që pas ndeshjes U-21 mes Shqipërisë dhe Kosovës për kualifikueset e Euro 2022, që u fitua nga ‘Dardanët’ me rezultatin 2-1, Lokaj bëri një reagim në ‘Facebook’ që i acaroi të gjithë: “Mendo sikur të mos kishim fituar sonte kundër këtyre, që kur kemi luajtur ne kosovarët top, ata në stadium kanë pasur vetëm ushtarë të Enverit në tribuna. Harrova që edhe peshqit me dylbi i shikonin.”-shkroi ai.
Ndërsa të shumtë ishin dhe personat publik që reaguan ndaj tij përfshirë këtu edhe ish-kapitenin e Kombëtares ‘Kuqezi’, i cili e krahasoi me një kloun komentatorin./K.T/Gijotina.com
Discussion about this post