Deklarata e kryeministrit Edi Rama se nuk do të ketw dënim me vdekje për montrën Klodian Çalamani, ka shkaktuar revolta tek familjarët e vogëlushit të ndjerë.
Para dyerve të Gjykatës së Fierit, halla e Mateo është shprehur e revoltuar se në burg monstra do të trajtohet si në hotel, ndërsa i bën thirrje kryeministrit të varet për të parandaluar ngjarje të tjera.
“A shihen këta prindër kështu more me lot në sy, a shihen dot me zemrën e thyer. Ia çoi bukën në shpi, ne e mbanim me bukë kriminelin, ai na bëri atë që s’e prisnin. Bënte sikur fliste në telefon, a e gjetët djalin. Djalin kush e di ku do na e kishte hedhur natën, s’do gjenim as kufomën. Varja, a nuk ka një dënim me varje? Në burg ai do jetë si hotel, me krevat, me ushqim, me dhomë. Ku futet në grop, ai engjëll, ai ishte një gonxhe e pa çelur, ai rritej dhe zbukurohej çdo ditë. Të vijë një dorë e krimineli që të na marrë djalin, duam vetëm varje. Të çohet populli, se kemi dhimbje shumë të madhe, na qan zemra, se lotët na janë thanë, vetëm të hyni në zemrat tona. Rama del dhe thotë nuk ka ligj me varje, po pse mo kryeministër, sot e bëri me ne, nesër dikur tjetër. Pse të lëndohemi ne, pse. I vari Sali Berisha dy, ishte shembull. Ky është shembulli, edhe vëllai im të jetë, le të varet në mes të Fierit. Të na e kishte marrë Zoti ia kishim bërë hallall, hallall ia bënim”, tha halla e të ndjerit.
Masa e sigurisë për Çalamanin pritet të jepet në orën 10:30.
Discussion about this post