Thirrjes së familjarëve të 8-vjeçarit që u vra në mënyrë monstruoze nga Klodian Çalamani, për të protestuar para Gjykatës së Fierit, i janë përgjigjur qytetarë të ndryshëm dhe nxënës të shkollës, të cilët i janë bashkuar familjarëve jashtë dyerve të gjykatës.
“Do ta presim këtu, do ta varim vetë, ta tërheqim zvarrë .Të varet të bëhet shembull.Ta tërheqim zvarrë.”, shprehen qytetarët e revoltuar.
“S’kam lidhje me personin, por më vjen inat se kam 3 fëmijë vet, ku jetojmë ne këtu zotëri, ca po bëhet këtu, unë jam qytetar Fierak, digjeni, njëri përdhunon gocën, tjetri vret, këta po fusin njerëz të gjallë. Qytetarët të jenë këtu jo për PS dhe PD”., thotë një qytetar.
“Kemi nipër, kemi mbesa, do na bëhet hataja.Kemi frikë të dalim te dera.”, shprehet një qytetare që iu bashkua protestës.
“Të hajë ai bukë me taksat tona, nuk ka të drejtë.”
Familjarët e 8-vjeçarit që u vra në mënyrë monstruoze nga fqinji i tij Klodian Çalamani, janë shfaqur sot në gjykatë para se autori të mbërrinte, ku situata ka përshkallëzuar duke hyrë me forcë në ambientet e brendshme të godinës.Ata kërkojnë përballje me autorin e krimit, teksa shfaqen të tensionuar, duke konfrontuar forcat policore që i ndalojnë.
Familjarët u shprehën se do ta presin aty për ta vrarë, autorin e ngjarjes makabre, ndërsa bënë apelin e fortë që të gjithë të iu bashkohen në mënyrë që ngjarje të tilla të mos përsëriten për fëmijë të tjerë.
Discussion about this post