Kazakistani ka shënuar një fitore tejet të papritur, duke mposhtur me rikthim Danimarkën, në kuadër të javës së dytë të fazës eliminatore të Euro 2024.
Danezët ishin në epërsi prej dy golave, por Kazakistani bëri mrekullinë duke fituar me rezultat 3:2 në fund.
Rasmus Hojlund me një gol të bukur kaloi Danimarën në epërsi pas vetëm 21 minutave lojë.
I njëjti vazhdoi me formën e mirë, duke mposhtur portierin nga afër për ta dyfishuar epërsinë e Danimarkës (36′).
Në pjesën e dytë, Kazakistani nisi përmbysjen e madhe fillimisht duke ngushtuar epërsinë me anë të Bakhtiyor Zaynutdinov, që ishte i saktë nga pika e bardhë (73′).
Vetëm 13 minuta më vonë, Askhat Tagybergen me një gol të shkëlqyeshëm nga distanca ngriti në “këmbë” tërë stadiumin.
Kurse, në aksionin tjetër Abat Aymbetov realizoi me kokë për përmbysjen e madhe.
Me këtë fitore, Kazakistani arkëton katër pikë duke u renditur e katërta me tre pikë, derisa Danimarka zë pozitën e dytë me tre.
Discussion about this post