Mangësitë e Liverpool-it janë shfaqur në mënyrë spektakolare këtë sezon, pasi kjo periudhë kalimtare për klubin po zvarritet.
Nga një skuadër që pothuajse i fitoi të gjitha sezonin e kaluar, tek ajo pa asnjë shans për ndonjë trofe që në mars, do të ishte gjithmonë një detyrë e vështirë ruajtja e niveleve të larta. Reds ishin vetëm dy fitore nga lavdia e madhe por në fund të kësaj duhej të kënaqeshin vetëm me FA dhe EFL Cup.
Që atëherë, Jurgen Klopp ka kërkuar të revolucionarizojë skuadrën e tij, duke prezantuar lojtarë si Darëin Nunez dhe Cody Gakpo, ndërkohë që ka vazhduar të neglizhojë mesfushën.
Është pikërisht ky repart ku janë hasur vështirësitë e mëdha, pasi dëmtimet kanë bërë që shumë lojtarë të besuar të Klopp të mbeten jashtë për një kohë të gjatë.
Pavarësisht nëse kërkon të detyrojë klubin e tij të hidhet në veprim gjatë merkatos, ose është vërtet i kënaqur me opsionet që ka, kjo verë duhet të jetë koha kur gjermani të rregullojë atë që është pika e dobët e sistemit të tij lojës.
Dy sulmuesit e lartpërmendur kanë filluar të ambientohen, dhe megjithëse paksa e lëkundur, mbrojtja mbetet relativisht e fortë. Është mesfusha që mund të ndihmojë në bashkimin e të gjithë reparteve së bashku, dhe duke nënshkruar me të riun Gabri Veiga, ata mund të bëjnë një hap të madh drejt kësaj.
Discussion about this post