Princi Harry i Britanisë ka mbërritur në Gjykatën e Lartë të Londrës për të marrë pjesë në një seancë dëgjimore në padinë e tij kundër Associated Newspapers Limited mbi akuzat për grumbullim të paligjshëm informacioni.
Kjo është hera e parë e Dukës së Sussex-it në MB që nga funerali i gjyshes së tij shtatorin e kaluar dhe që nga publikimi i “Spare” në janar. Udhëtimi i Harry-t gjithashtu vjen vetëm disa javë para kurorëzimit të babait të tij më 6 maj, dhe nuk dihet ende nëse ai dhe Meghan Markle do të marrin pjesë.
Në betejën e tij të fundit ligjore, Princi Harry bashkohet me gjashtë pretendues të tjerë, përfshirë këngëtarët Elton John dhe Elizabeth Hurley, kundër Associated Newspapers Limited (ANL) për shpërdorim të informacionit personal.
Në një deklaratë për shpalljen e veprimit ligjor, pretendohet se aktet e paligjshme përfshinin punësimin e hetuesve privatë për vendosjen e fshehtë të pajisjeve dëgjimore në makina dhe shtëpi dhe regjistrimin e bisedave telefonike private.
Prestigjozia iu kundërpërgjigj akuzave, duke i quajtur ato “shpifje absurde” dhe një “përpjekje të paramenduar dhe të orkestruar për të tërhequr lajmet e Mail-it në skandalin e hakerimit të telefonave”.
Discussion about this post