Është dhënë masa e sigurisë “arrest me burg” për autorin e vrasjes makabër të 8-vjeçarit Mateo Vasiu, ngjarje e cila tronditi opinion publik.
Seanca gjyqësore është zhvilluar pa prani të autorit 38-vjeçar Klodian Çalamani, ndërsa nga policia është marrë deklarata e tij që gjykimi të bëhej në mungesë. Ndërkohë që, nga trupi gjykues me pjesëmarrjen e gjyqtares Sonila Hoxha dhe prokuror Çlirim Sino është caktuar masa e sigurisë “arrest me burg”.
Krimi horror që tronditi Fierin dhe të gjithë Shqipërinë, ndodhi para të martën në fshatin Grecalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave. Për ngjarjen e rëndë kanë reaguar politikane nga të dy kampet politike në vend, duke e konsideruar krimin si diçka tronditëse.
Discussion about this post