Dani Alves u rikthye sërish te klubi ku pati periudhën e tij më të artë dhe tashmë do të jetë lojtar nën drejtimin e ish-shokut të skuadrës, Xavi Hernandez.
38-vjeçari do të jetë pjesë e Barcelonës deri në fund të këtij sezoni. Gjatë prezantimit në ‘Camp Nou’ përpara tifozëve, braziliani foli ndër të tjera edhe për Lionel Messin, i cili u largua merkaton e kësaj vere te Paris Saint-Germain.
Alves dhe Messi kanë qenë miq shumë të mirë në kohën kur të dy luanin për ‘Blaugranan’. Ndërsa pas rikthimit të tij, braziliani është shprehur me shaka që do ta rikthejë argjentinasin.
“Nëse m’i jepni dy orë, do të shkoj dhe ta marr atë”,- u shpreh Alves me shaka për Messin.
“Historia është shkruar dhe ai do të kujtohet gjithmonë. Ai është gjëja më e mirë që e kam parë në jetë dhe bashkëlojtari më i mirë qe e kam pasur”, shtoi ai.
Rikujtojmë që gjatë kohës kur të dy luanin në ‘Camp Nou’ Alves dhe Messi fituan 23 trofe./K.T/Gijotina.com
Discussion about this post