Ndërsa vazhdojnë marshimin në qytete me banorë të tjerë, Babi i Mateos është shprehur se ai është i vdekur edhe pse trupin e ka gjallë, por që të ikë rehat nga kjo botë kërkon varjen e Çalamanit. Babi i Mateos tha se nuk ka më jetë, do të jetojë vetëm për të marrë hak për të birin. “Unë nuk kam më as zemër as gjë, jam i vdekur. Ai të varet në mes të qytetit më mori jetën time. Më ka ngel merak. E nisi çunin për të blerë bukë, shkoi çuni i mori bukën dhe ja çoi atje edhe të ma vrasi, vetëm kjo më ka ngel gozhdë. Të vdes unë vetëm dua ta shikoj. Të vdes tani dhe të shikoj çunin atje ku është. Të vdes tani. Nuk e dua jetën, unë sikur jam i vdekur. Jam i vdekur, nuk di ça të them” ,tha ai.
Ndërsa një qytetare tha se nuk duhet të shtyhet më por të vendoset sa më parë dënimi me vdekje pasi raste të tilla, ku për një sherr merren jetë, janë shtuar shumë. Sakaq, në thirrje publike ajo kërkon që të vijnë e të firmosin peticionin për varjen e autorit edhe qytetarë nga vende të tjera të Shqipërisë. “Kemi frikë të dalim nga dera. Një sherr të bëhet vriten gratë e babi vret djalin. Duhet të merren masa. Kemi frikë të çojmë nipërit e mbesat në shkollë. Të bashkohet krejt Shqipëria. Ejani dhe firmosni peticionin pranë Gjykatës”, u shpreh ajo.
Një banor paralajmëroi se situata do të bëhet me rënë nëse nuk merren masa, duke i bërë thirrje kryeministrit të veprojë. “Gjynah, po të isha unë në vend të tij edhe më keq do bëhesha. Të bëhet dënimi me vdekje, ta zbatojnë ligjin. Nëse Rama nuk merr masa la për ta humbur Fierin nuk duam që të shkelin më këtu as ai as Balla”, tha ai.
Një tjetër banore e revoltuar tha se dënimi me varje është më pakta dhe nuk duhet të vonojë më. Ajo tha se me këta persona duhet të veprohet në të njëjtën mënyrë që ai torturoi Mateon e vogël.
Discussion about this post