Tre shqiptarë janë arrestuar në Itali, pasi janë kapur me 83 kg kokainë të fshehur mes bananeve në një kontejner.
Ajo çfarë binte në sy është se kokaina ishte e paketuar me logon e brandit ‘Louis Viuttion’.
Mediat italiane shkruajnë se shqiptarët kishin hyrë fshehurazi në zonën doganore të portit Vado Ligure.
Anija mbante një ngarkesë me banane nga Ekuadori dhe si shumë dërgesa të tjera transaksionale mallrash nga zona të konsideruara si ‘të rrezikshme’ , iu nënshtrua kontrollit.
Mësohet se tre autorët janë të moshave 23, 28 dhe 33 vjeç dhe jetonin në Piza.
Aktualisht ata ndodhen në paraburgim, por pritet të transferohen drejt burgut Genova Marassi.
Discussion about this post