Aktivisti Adriatik Lapaj ka bërë ironi me faktin se kryebashkiaku i Tiranës Erion Veliaj është shprehur se do të bëhet një pyll orbital në kryeqytet. Lapaj ka publikuar edhe foto të Tiranës, ku qartë shihet betonizimi e me ironi deklaron se pylli orbital është zhvilluar aq shumë si projekt, sa banorët kanë ‘frikë’ se mos iu del ndonjë ujk a çakall.
“Dalin pamje nga sipër të pyllit orbital. Mendoj që i vetmi problem është që pemët mund të ishin mbjellë më me sistem. Gjithësesi ka diskutime pasi çrregullsia jep ndjesinë e pyllit natyror.
Plot 2500 hektar rrap, blir, pisha e të tjera…
Kanë filluar ankesat për ujqër, çakej e grabitqar të tjerë që po popullojnë tashmë pyllin që shikoni.
Shijojini!
P.s po merrem me këtë punën e 1 milion pemëve sepse asgjë nuk i ndryshon Kryetarit të Bashkisë Tiranë nëse deklaron numrin real të mbjellë. A janë 100 000 apo 1000 000 nuk është se vendos diçka në rrugëtimin e tij politik. Po ai gënjen me vetëdije. Më e tmerrshmja është se gënjen pa shkak. Gënjen se i dukemi qenie që duhet të gënjehemi dhe pa shkak”, shprehet Lapaj.
Discussion about this post