Policia greke ka bërë 5 arrestime në një aksion të madh policor në Ilia mëngjesin e së mërkurës. Informacionet bëjnë me dije se të arrestuarit po përgatisnin një goditje të madhe.
Në orën 5 të mëngjesit të së enjtes u kryen bastisje në dhomat me qira nga punonjësit e policisë greke. Gjatë kontrollit u gjetën armë dhe u arrestuan 5 persona.
Burime të Patrisnews bëjnë të ditur se ndërmjet të arrestuarve, katër grekëve dhe një shqiptar, është edhe një bandit famëkeq me origjinë nga Ilia, i cili ka qenë shqetësimi i autoriteteve prej të paktën dy dekadash, ndërsa në të kaluarën ka qenë i burgosur.
Ai dyshohet se ka tentuar të ikë kur ka vërejtur praninë e policisë, por forcat e EKAM-it e kanë ndaluar.
Të arrestuarve iu gjetën pistoleta, një automjet i vjedhur, kapuç, doreza dhe bombola benzinë, të cilat me siguri i kanë përdorur për t’i vënë flakën mjetit.
Oficerët e policisë duke monitoruar telefonat e tyre konstatuan se të arrestuarit po përgatisnin një goditje të madhe në ditët në vijim në Pirgos dhe më konkretisht në ELTA.
Discussion about this post